Nakaplagan Sa Kadugayan

Ug way susama kalipay ang gibatyag ni Inday An-an adtong mga yugtua nga nahikaplagan kaniya ang kanhi'ng mga ka kusa sa kadtong nagtungha pa siya sa elementarya, hayskol, kolehiyo ug bokasyonal. Mao rag gibayaw sa panganod nga gibatyag diha diha dayon ug ka emosyonal si Inday nga sa kinadugay dugayan'g mga panahon gitagaan siya ug kahigayonan nga maka balik ug konektar sa mga klasmets kaniadtong kabatan-onan pa niya.

Kinsa gayud ang magtuo human sa panaglagyo sa usa'g usa maka dungog pa gayud siya ug naunsa ra sila? Pasalamat ug daku gayud sa teknolohiya gitawag nila ug "internet" sa inglis kay mao kani ang hinungdan nga gipanaghiusa ang mga nagkalagyoay sa tibuok kalibutan. Gipagamay nalang gayud ang malawakong kalibutan tungod niini sa ka haytek sa teknolohiya nga kanunayng nag lambo.

Ug tuod man, si Inday An-an bag-ohay ra gayud nga nakakaplag napud sa iyang mga skolmets pag hayskol sa usa ka nagkutay kutay nga websayt gitawag kanila ug FRIENDSTER, sa iyang huna huna nagduha duha siya ug pag kontak kanila kay ug daw bi pangutan-on napud unya siya ug KINSA MAN KA? WA KO KAILA NIMO mao ray gidangat ka sakit kaha ana nga pangutana aber? Sa hilom may gamayng kahisa nga iyang nabati ngadto sa ubang mga kaedad nga nagmalamposon na sa ilang tagsa tagsa ka mga tahas sa kinabuhi.

May mga nar-is na, magtutudlo, tig analisar anang pinansyal sa dagkung establisimento,enhinyero, ang uban nanimpalad gawas sa nasud ug ang uban na swertihan nakakaplag sa ilang kapikas nga PUTI, sagad ang uban pabilin nga ulitaw ug daga usab. Ang kadtong mga taw wala kasuway mahilayo sa ilang yutang natawhan dili makasabot sa gibati kanaku karong yugtua nga kahimaya ko na ba lang gayud napalgan ko na gayud ang mga kanhing taw nga akong gi suwayan ug pag pangita!